Home » Love Shayari » Tab Yaad Tumhari Aati Hai

Tab Yaad Tumhari Aati Hai

chiba_I_miss_you___sasuke

 

 

 

 

 

 

 

 

 

 

 

Jab Yunhi Kabhi Baithay Baithay, Kuch Yaad Achanak Aa jaye
Her Baat Say Dil Bayzar Sa Ho, Her Cheez Say Dil Ghabra jaye
Karna Bhi Mujhe Kuch Aur He Ho, Kuch Aur He Mujh Say Ho jaye
Kuch Aur He Sochoon Main Dil Men, Kuch Aur He Hontoon Par Aae
Aisay He Kisee Aik Lamhay Men, Chupke Say Kabhi Khamoshi Men
Kuch Phool Achanak Khil jayen, Kuch Betay Lamhe Yaad Aaen
Tab Yaad Tumhari Aatee Hay …

Jab Chandni Dil Kay Aangan Main, Kuch Kahene Mujh Say Aa jaye
Ik Khwab Se Chote Koi, Ehsaas Pay Mere Chaa jaye
Jab Zulf Pareshaan Chehray Per, Kuch Aur Pareshaan Ho jaye
Kuch Dard Bhi Dil Mein Hone Lage, Aur Saans Bhi Bojhal Ho jaye
Aisay He Kisee Aik Lamhay Men, Chupkay Say Kabhi Khamoshi Men
Kuch Phool Achanak Khil jayen, Kuch Betay Lamhe Yaad Aaen
Tab Yaad Tumhari Aatee Hay …

Jab Shaam Dhalay Chaltay Chaltay, Manzil Ka Na Koi Naam Mile
Ik Hansta Hua Aaghaz Mile, Ik Rota Hua Anjaam Mile
Palkoon Kay Laraztay Ashkoon Say, Is Dil Ko Koi Paygham Mile
Aur Sari Wafaoon Kay Badlay, Mujh Ko He Koi Ilzaam Mile
Aisay He Kisee Aik Lamhay Men, Chupkay Say Kabhi Khamoshi Men
Kuch Phool Achanak Khil jayen, Kuch Betay Lamhe Yaad Aaen
Tab Yaad Tumhari Aatee Hay …

Originally posted 2017-06-08 17:35:46.