Home » Love Shayari » Kya Likhun….!!!

Kya Likhun….!!!

Khalid 

Teri aankhon me bhara pyaar ka sagar likhun,

Ya teri muskaan me chhipa mera jeevan likhun..

Chup chap kuch bolti ye teri saansen likhun,

Ya teri aahat ki chhedi hui koi dhun likhun..

 

Teri aawaz ko taraste mere armaan likhun,
Ya tere deedar mein apna intezaar likhun..

 

Woh  beete pal, mahiine saal likhun,
Ya woh sadiyon see lambi raat likhun..

 

Tere pass hone ki khusi likhun,
Ya is duri mein gire  mere aansu likhun..

 

Tujhe meri saans likhun,
Ya mere dhadkano ki aawaz likhun..
Kya likhun…

 

Ya mere dil me basa tere liye pyar likhun..(mkm)
Kya likhun…
===============================
======================

Originally posted 2017-03-28 18:20:32.