Humesha Muskura K Aansooun Ko Chupaya

Humesha Muskura K Aansooun Ko Chupaya
Ghum Ko Chupanay Ka Yehi Rasta Nazar Aaya

Kis Kis Ko Batatey Behtey Ashkon Ka Sabab
Kay Derd-e-dil, Dil Main Kis Ne Jagaya

Mehfilon Main Kahin Bhi Maza Na Raha
Rakha Dil Pay Pather To Khud Ko Sajaya

Baat Bay Baat Apni Aahain Daba Ker
Yaron Kay Dermiyan Kis Qadar Muskuraya

Na Thi Chah Kabhi Mujahy Mankashi Ki
Jaam-e-wafa Kisi Bay Wafa Nay Pilaya

Kya Muqadar Say Shikwa Kertey Rahain
Jo Qismat Main Tha Wohi Kuch To Paaya

Yeh Kis Mod Pe Aagaee Hain Umeedain
Kay Saaya-e-manzil Nazar Main Na Aaya

Apnoon Ne Palat Kay Dekha Tak Nahin
Ghairon Ne Aaker Galay Se Lagaaya

Acha Hua Kay Raaz Khul Hi Gaya
Dil-e-nadaan Pay Khanjar Kis Nay Chalaya …………

By – Unknown

Originally posted 2017-01-22 17:17:24.

Facebook
Twitter
LinkedIn
Pinterest

0 thoughts on “Humesha Muskura K Aansooun Ko Chupaya”

  1. Amarjeet Kaur

    Baat Bay Baat Apni Aahain Daba Ker..
    Yaron Kay Dermiyan Kis Qadar Muskuraya..

    well said…
    *****************************************

Leave a Comment

Your email address will not be published. Required fields are marked *

Popular Shayari posts

Categories