Agar Tu Chahe !!!

khalid.m@hotmail.co.uk

Khalid

Hum to saaya tera ban jayen agar tu chahe
Ya kabhi bhi na nazar aayen, agar tu chahe

Tu jo chahe to sar-e-aam karain ehd-e-wafa
Yoonhi duniya se guzar jaayen agar tu chahe

Tujh se milne mein to jaanan teri ruswaayi hai
Hum teri yaad se mil aayen agar tu chahe

Tu jo keh de to pukaaren sar-e-bazaar tujhe
Ajnabi ban ke guzar jaayen agar tu chahe

Zindagi ji lain agar teri ijaazat mil jaaye
Teri chokhat pe hi mar jaayen agar tu chahe

Tu jo chahe to zamaane ke sitam yunhi sahen
Saari duniya se bhi takraayain agar tu chahe

================================

khalid.m@hotmail.co.uk

================================