Kaun Hai Woh?

Kaun hai jo ek saaye ki tarah

Mere dil ko choota hua gujar jata hai

Kabhi pass se , kabhi dur se

Ek aawaaz , ek nagma, ek geet

Banke rag-rag mai utar jata hai

Kabhi pass se , kabhi dur se

Kaun hai jo mujhe apni

Tanhai ka ahsaas dila jata hai

Ek khalipan sunapan chod jata hai

Main use dekhna chahta hoon

Jan na chahta hoon

Ungaliyon se uske chehrey ko choona chahta hoon

Kaun hai

Jo pass rahker bhi mujhse dur hai

Kadmon ki aahat sunta hoon

Palat ta hoon

Use dekhta hoon

Tasveer ban jata hoon

Khud ko bhul jata hoon

Bekhud ho jata hoon !!!