G Main Aata Hai Keh Taaveez Bana Lain Tum Ko !!!

Khalid

Baandhlain Haath Seene Peh Saja Lain Tum Ko
G Main Aata Hai Keh Taaveez Bana Lain Tum Ko
Phir Tumhain Roz Sanvaarain, Tumhain Barhta Dekhain
Kyun Na Aangan Main Chambeli Sa Laga Lain Tum Ko
Jese Baalon Main Koi Phool Chuna Kerta Hai
Ghar K Guldaan Main Phoolon Sa Laga Lain Tum Ko
Kya Ajab Khaahishain Uthti Hain Humaare Dil Main
Kar K Munna Sa Havaaon Main Uchhaalain Tum Ko
Is Qadar Toot K Tum Par Humain Pyaar Aata Hai
Apni Baanhon Main Bharain, Maar Hi Daalain Tum Ko
Kabhi Khaab Ki Tarah Aankh K Parde Main Raho
Kabhi Khaahish Ki Tarah Dil Main Bula Lain Tum Ko
Hai Tumhaare Liye Kuchh Aisi Aqeedat Dil Main
Apne Haathon Main Duaaon Sa Utha Lain Tum Ko
Jaan Dene Ki Ijaazat Bhi Nahi Deti Ho
Varna Mar Jaaen Abhi, Mar K Mana Lain Tum Ko
Jis Tarah Raat K Seene Main Hai Mehtaab Ka Noor
Apne Taareek Makaanon Main Saja Lain Tum Ko
Ab To Bas Ek Hi Khaahish Hai Kisi Mor Peh Tum
Ham Ko Bikhre Huve Mil Jaao, Sanbhaalain Tum Ko!!!

=====================================

[email protected]

=====================================

Originally posted 2017-01-18 16:23:37.

Facebook
Twitter
LinkedIn
Pinterest