Baadalon Ke Pichhe Hain

Neend ke baadalon ke pichhe hain
muskuraata huwa koyi chehara
chehare par bikhari ek reshami latt
sarsaraata huwa koyi aanchal
aur do aankhein hairaan haira si

neend ke baadalon ke pichhe hain
ek mulaakaat
ek haseen lamha
jheel ka thehara thehara sa paani
ped par chehchahaati ek chidiyaan
baagh mein khilate nanhe nanhe phool
khubsurat labon ki narm si baat

neend ke baadalon ke pichhe hain
dopaher ek pili pili si
lohe ki thandak ke lehje mein
tuta aaina, udate kuchh kaagaj
kirchon kirchon bikhrata ek mandar
palkon pe jhil milaata ek aansu
ghehara sannatta, shor karata huwa
neend ke baadalon ke pichhe hain

1 Comment
  1. Nind ki very good poerty.

    Leave a reply

    Love Shayari and Whatsapp Status in Hindi
    Logo