Zindagi Mein Kyon Apni Tanhayi Si Hai..

zindagi mein kyon apni tanhayi si hai

apna koi nahin aur bheedh badi hai

puchhe jab koi kyon ankhe hai gamzada

hanste hue kahte hai ki kirkiri padi hai

ibarat nahin koi jise padh sake hum

dil ki ye deewar to bus sooni khadi hai

har modh pe hai meel ka pathar hansta hua

aur chaurahe pe zindagi udas khadi hai

kab hoga shuru safar iska bhi pata nahin

aur mujhe dekho anjaam ki padi hai

kehte hai hame log apne seene se laga kar

phir kyon khabar apni gairon mein badi hai