Love Shayari

Tere Labon Ke Phool Bahut Yaad Aaye Hain

Jab Bhi Kisi Nigah Ne Mausam Sajaye Hain
Tere Labon Ke Phool Bahut Yaad Aaye Hain

Nikle The Jab Safar Pe To Mehdood* Tha Jahan
Teri Talash Ne Kai Aalam Dikhaye Hain

Rishto Ka Aitbar, Wafaon Ka Intezar
Hum Bhi Chirag Le Ke Hawaon Mein Aaye Hain

Raston Ke Naam, Waqt Ke Chehre Badal Gaye
Ab Kya Batayein Kisko Kahan Chhor Aaye Hain

Ae Sham Ke Farishto Zara Dekh Ke Chalo
Bachon Ne Sahilon Per Gharondey Banaye Hain

About the author

Mehul

Dil ne ham se jo kaha, ham ne vaisa hi kiya
phir kabhi furasat se sochenge, bura tha ya bhala
zindagi khwaab hai…

Add Comment

Click here to post a comment