Tag: Romantic SMS

Benaam Sa Ye Dard

Benaam Sa Ye Dard, Thehar Kyon Nahi Jata
Jo Beet Gaya Hai, Woh Guzar Kyon Nahi Jata

Sab Kuch To Hai, Kya Dhundti Rehti Hai Nigaahein
Kya Baat Hai, Mai Waqt Pe Ghar Kyon Nahi Jata

Woh Ek Hi Chera To, Nahi Sare Jahan Mein
Jo Door Hai Woh Dil Se Utar Kyon Nahi Jata

Main Apni Hi Uljhi Hui, Raho Ka Tamasha
Jate Hain Jidhar Sab, Main Udhar Kyon Nahi Jata

Woh Naam Jo Na Jane Kab Se, Na Chehra Na Badan Hai
Woh Khawaab Agar Hai To Bikhar Kyo Nahi Jata”

By: Nafees khan

April 28, 2011 | 3 Comments More

log har mod pe ruk ruk ke sambhalte kyun hain,
itna darte hain to phir ghar se nikalte kyun hain.
main na jugnu hun diya hun na koi tara hun,
roshni wale mere nam se jalte kyun hain.
nind se mera talluq hi nahin barson se,
khwab aake meri chat pe tahalte kyun hain.
mod hota hai jawani ka sambhalne ke liye,
aur sab log yahin ake phisalte kyun hain.
~*~*~*~*~*~*~*~*~*~*~*~*~*~*~*~*~*~*~*~*
Mohabbat me hum mashoor kya huwe..
har harkat humari deewangi lagnay lagi..
lafz jo niklay haal-e-dil ka bayan karne ,
zamane ko har wo baat shahyari lagnay lagi
~*~*~*~*~*~*~*~*~*~*~*~*~*~*~*~*~*~*~*~*
Aap ki Hasi Kabhi Kam naa Ho
Aapki Aankh kabhi Aasuon se Nam naa Ho.
Mile Zindagi me Har Khushi Aapko.
Bhale uss Khushi me Hum ho naa Ho
~*~*~*~*~*~*~*~*~*~*~*~*~*~*~*~*~*~*~*~*
dosti hum ne khoob nibhayi hai….
dosti aur pyaar me na koi dewaar banayi hai….
log to dosti karte hain chehre dekh kar….
par aap ne to dosti ki ek alag pehchaan banayi hai….

April 27, 2011 | 50 Comments More

Mohobbat Nahi Mili

Tum Ne Keh Dia Kay Mohabbat Nahi Milli
Mujh Ko Tu Yeh Bhi Kehney Ki Muhalat Nahi Milli

Neendoo Kay Des Jaty Koi Khuwab Dekhtay Lakin Ghar Main Diya Jalaney ki Fursat Nahi Milli

Tujh Ko Yu Khair Shehar Kay Logo Ka Khuf Tha Aur Mujh Ko Tu Apnay Ghar Se Ijazat Nahi Milli

Phir Ikhtilaf-E- Raye Ki Surat Nikal Pari Apni Yahan Kisi Se Bhi Adat Nahi Milli

Bezar Yun Huay Kay Tere Ahad Main Hamien Sab Kuch Milla Sakun Ki Dulat Nahi Milli

April 26, 2011 | 1 Comment More

Hoke nisaar ishq me

Hoke nisaar ishq me zindgi yoon sawar jaati hai,
jaise koi mehndi piske haanthon ko rachati hai.

Mere mahboob pe sadqe jaaun ki ye ada hai uski,
apna bhi kahti hai mere gham pe muskurati hai.

Pahle khwabon me hi wo pahloo me hua karti thi,
ab to har shab ratjagon me hi guzar jaati hai.

Gar yahi sila hai muhabbat ka to manzoor hai mujhe,
ki mera ghar jalake wo zalim,apna dil bahlati hai.

Shayad aaj bhi uske dil me meri yaad aai hogi,
yoon laga koi aawaz mujhe door se bulati hai.

Wo banke dulhan chali magar ye khayal bhi rakha,
apni doli ki wo mere kaandhon me thamaati hai….

sameer’shaad’

April 26, 2011 | 1 Comment More

Phir Kisi Yaad Ne

Phir kisi yaad ne, raat bhar hai jagaya mujh ko

Kiya saza di hai, mohabat ne khudaya mujh ko

Din ko aaram hai na, raat ko hai chain kabhi

Jane kis khaak se, qudrat ne banaya mujh ko

Dukh to yeh hai ke, zamane main milay ghair sabhi

Jo mila hai, woh mila ban ke, paraya mujh ko

Jab koi bhi na raha kandha, mere rone ko

Ghar ki deewaron ne, seene se lagaya mujh ko

Uoon to umeed-e-wafa, tum se nahi hai koi

Phir charaghon ki tarah, kis ne jalaya mujh ko

Bewafa zindagi nay jab chorh diya hay tanha

Maot nay piyar say pehloo main bithaya mujh ko

Woh diya hoon jo, mohabat ne jalaya tha kabhi

Gham ki andhi ne, sar-e-sham bujhaya mujh ko

Kaise bhoolau ga woh, wakt ke lamhe

Yaad aata raha, zulfon ka hi saya mujh ko

BY Mail From – Rajesh Mistry

April 25, 2011 | 1 Comment More

Yun To Guzar Raha Hai, Har Ik Pal Khushi Ke Saath,

Yun To Guzar Raha Hai, Har Ik Pal Khushi Ke Saath,
Phir Bhi Koi Kami Si Hai, Kyu Zindagi Ke Saath

Rishta Vafayen Dosti, Sab Kuch To Pass Hai,
Kya Baat Hai Pata Nahi, Dil Kyun Udas Hai,
Har Lamha Hai Haseen, Nayi Dilkashi Ke Saath,
Phir Bhi Koi Kami Si Hai, Kyu Zindagi Ke Saath

Chahat Bhi Hai Sukun Bhi Hai Dilbari Bhi Hai,
Aankhon Mein Khawab Bhi Hai, Labon Par Hansi Bhi Hai,
Dil Ko Nahi Hai Koi, Shikayat Kisi Ke Saath,
Phir Bhi Koi Kami Si Hai, Kyun Zindagi Ke Saath

Socha Tha Jaisa Vaisa Hi Jeevan To Hai Magar,
Ab Aur Kis Talaash Mein Baichain Hai Nazar,
Kudrat To Mehrban Hai, Darayadili Ke Saath,
Phir Bhi Koi Kami Si Hai, Kyun Zindagi Ke Saath

April 24, 2011 | 0 Comments More