Tag: Hindi & Urdu ghazals
Kash kaha hota tume…..
Kash kaha hota tume,
Kushi chahiya, hum duniya bhar ki de dete,
kaha hota,
Khwaish puri karne ko, hum ek bhi arrman baki nahi rakhte,
kaha hota,
Tare tod lane ko, sara akash le ate,
kaha hota,
Phoole lane ko, gulshan le ate,
kaha hota,
Pyaar karne ko, akhiri saas tak karte,
kaha hota,
Jan de dene ko, haste haste de dete,
par tum to woh maang baithe jo mere bas me nahin
tum se juda hokar jee pana …..
By – Pallavi
Mujh se mera kya rishta hai
Mujh se mera kya rishta hai har ek rishta bhool gaya
itne aaine dekhe hain k apna chehra bhool gaya
Ab to yeh bhi yaad nahee hai farq tha kitna dono main
Us ki baatein yaad raheen aur us ka lehja bhool gaya
Pyasi dharti k hothon per mera naam nahee to kya
Main woh baadal ka tukda hoon jis ko dariya bhool gaya
duniya wale kuch bhi kahein per apni to majboori hai
Uski gali jab yaad aayi hai ghar ka rasta bhool gaya
By alok- Orkut profile
http://www.orkut.com/Profile.aspx?uid=782896482431049292
Adat Hai
Chalo Ishq nahi, Chaahne ki Adat hai
Kya karein k Hamein Dusrey ki Adat hai
Tuu apne Sheesha-Gari ka na ker Hunar Zaya
Mai Aaina hoon, Mujhe Tootne ki Adat hai
Wisaal mai b wohi Faasley Sarab k hain
Ke Usko Neend, Mujh ko Rat-Jage ki Adat hai
Tera Naseeb hai Ae Dil Sada ki Mehroomi!!
Na Wo Sakhi hai, na Tujhe Maangne ki Adat hai
Ye Khood-Aziyati kab tak “FARAZâ€Â
Tu b use na ker Yaad, Jise Bhoolne ki Adat hai
By: Ahmed Faraz
Guzre Dino Ki Yaad
Guzre Dino Ki Yaad Barasati Ghataa Lage
Guzroon Jo Us Gali Se To Thandi Hawa Lage
Mehamaan Banke Aaye Kisi Roz Agar Wo Shakhs
Us Roz Bin Sajaaye Mera Ghar Sajaa Lage
Mai Is Liye Manata Nahi Wasl Ki Khushi
Mere Raqeeb Ki Na Mujhe Bad-Duaa Lage
Wo Qehat Dosti Ka Para Hai K, In Dino
Jo Muskura Ke Baat Kare Aashnaa Lage
Tark-E-Wafa Ke Baad Ye Us Ki Adaa ‘Qateel’
Mujh Ko Sataye Koi To Us Ko Buraa Lage
Poet: Qateel Shifai
Benaam Sa Ye Dard
Benaam Sa Ye Dard, Thehar Kyon Nahi Jata
Jo Beet Gaya Hai, Woh Guzar Kyon Nahi Jata
Sab Kuch To Hai, Kya Dhundti Rehti Hai Nigaahein
Kya Baat Hai, Mai Waqt Pe Ghar Kyon Nahi Jata
Woh Ek Hi Chera To, Nahi Sare Jahan Mein
Jo Door Hai Woh Dil Se Utar Kyon Nahi Jata
Main Apni Hi Uljhi Hui, Raho Ka Tamasha
Jate Hain Jidhar Sab, Main Udhar Kyon Nahi Jata
Woh Naam Jo Na Jane Kab Se, Na Chehra Na Badan Hai
Woh Khawaab Agar Hai To Bikhar Kyo Nahi Jata”
By: Nafees khan
Mohobbat Nahi Mili
Tum Ne Keh Dia Kay Mohabbat Nahi Milli
Mujh Ko Tu Yeh Bhi Kehney Ki Muhalat Nahi Milli
Neendoo Kay Des Jaty Koi Khuwab Dekhtay Lakin Ghar Main Diya Jalaney ki Fursat Nahi Milli
Tujh Ko Yu Khair Shehar Kay Logo Ka Khuf Tha Aur Mujh Ko Tu Apnay Ghar Se Ijazat Nahi Milli
Phir Ikhtilaf-E- Raye Ki Surat Nikal Pari Apni Yahan Kisi Se Bhi Adat Nahi Milli
Bezar Yun Huay Kay Tere Ahad Main Hamien Sab Kuch Milla Sakun Ki Dulat Nahi Milli
Koi Baat Nahi
Yehi Wafaa Ka Silaah Hai, To Koi Baat Nahi
Yeh Dard Tum Ne Diya Hai, To Koi Baat Nahi
Yehi Bohot Hai Ke Tum Dekhte Ho Sahil Se
Safeena Doob Raha Hai, To Koi Baat Nahi
Rakha Tha Aashiyana-E-Dil Main Choopa Ke Tumko
Woh Ghar Tumne Chor Diya Hai To Koi Baat Nahi
Tum Hi Ne Aayena-E-Dil Mera Banaya Tha
Tum Hi Ne Tor Diya Hai To Koi Baat Nahi
Kiski Majaal Ki Koi Mujh Ko Deewana Kahe
Agar Yeh Tumne Kaha Hai To Koi Baat Nahi.