Kya Dilkash Manzar Hota Hai,

Kya Dilkash Manzar Hota Hai, Kya Dilkash Raatein Hoti Hain ,
Jab Unka Tassavur Hota Hai, Aur Chaand Se Baatein Hoti Hain

Hum Hote Hain Wo Hote Hain, Aur Chandni Raatein Hoti Hain ,
Ek Chaand Ko Takte Rehte Hain, Ek Chaand Se Baatein Hoti Hain

Pyaar Ke Deep Jalane waale kuch Kuch Paagal Hote Hain ,
Apni Jaan Se Jaane Waale Kuch Kuch Paagal Hote Hain .

Hijr Ke Gehre Zakhm Mile To Mujh Ko Kuch Ehsaas Hua ,
Paagal Ko Samjhaane Waale Kuch Kuch Paagal Hote Hain .

Jaan Se Pyaare Logon Se Bhi Kuch Kuch Parda Laazim Hai ,
Saari Baat Bataane Waale Kuch Kuch Paagal Hote Hain .

Khwaabon Mein Bhi AnmoL Milan Ke Sapne Dekhte Rehte Hein ,
Neendon Mein Muskaane Waale Kuch Kuch Paagal Hote Hein .

Is Jhooti Nagri Mein Hum Ne Yehi Hamesha Dekha Hai ,
Sacchi Baat Bataane Waale Kuch Kuch Paagal Hote Hein .

Pyaar Jinhe Ho Jaaye Un Ko Chain Bhala Kab Mil Paata Hai ,
Shab bhar Ashk Bahaane Waale Kuch Kuch Paagal Hote Hein .

Apni Zaat Ke Ujde Gulshan Se Wo Pyaar Kahaan Kerte Hein ,
Auron Ko Mehkaane Waaley Kuch Kuch Paagal Hote Hein .

Us Ke ISHQ Mein Bheeg Ke Hum Ko Ye Ehsaas Hua ,
Dil Ki Baat Mein Aane Waale Kuch Kuch Paagal Hote Hein.

By alok- Orkut

http://www.orkut.com/Profile.aspx?uid=782896482431049292

Tags: About Life, Friendship Shayari, Hindi & Urdu ghazals, Hindi Shayari, Hindi SMS & Shayri, Love SMS, My Thoughts, Romantic SMS, Sad Shayari

Category: Friendship Shayari, Hindi & Urdu ghazals, Hindi Shayari, Hindi SMS & Shayri, Love SMS, My Thoughts, Romantic SMS, Sad Shayari