Kho Gya Jo Ussay Dhoond Ke Laaoon Kaisay !!!
Khalid
kho gya jo ussay dhoond k laaoon kaisay
laapaton ka pata sabko bataoon kaisay
woh tou kehta hai chalo saath saffar kartay hain
saath chalta hoon magar saath nibhaoon kaisay
meray alfaaz mein woh apni ghazal kaisay kahay?
apni aankhon se ussay khwab dikhaoon kaisay
woh jo hota tou har roz jashan sa hota
uske jaanay pe ab eid manaoon kaisay
tu meri yaad mein har roz chala aata hai
sochta hoon main teri yaad mein aaoon kaisay
kab se aangan mein bahaarein nahi aayee hain
khushk phoolon se main ghar ko sajaoon kaisay
kaisay beh jaoon phir teri soch k dhaaray mein
lot aya hoon ab uss simt ko jaaoon kaisay
jhoot sun-nay ke aadi hain meray sheher k log
kyun kahoon such aur unko rulaaoon kaisay
dil jo roothay tou teri yaad mana leti thee
yaad roothi hai ab isko manaoon kaisay (mkm)
====================================
khalid.m@hotmail.co.uk
====================================
Category: Friendship Shayari, Hindi SMS & Shayri, Love Shayari, Love SMS, Punjabi Shayari, Punjabi SMS, Sad Shayari
Tujhe yaad karte hein, ALLAH ke naam ke baad,
Kabhi subhah se pehle, to kabhi shaam ke baad,
Dil ki diwaron pe, likhte hein naam tera,
Kabhi fursat mein, to kabhi kaam ke baad.