Ager kabhi
tum jaan na chaho
k tum mere liye kya ho
to sun lo

Meri har sans me tum ho
Meri har dharkan me tum ho
Meri har aahat me tum ho
Meri har chahat me tum ho
mere har lafz me tum ho
har naam tumhara naam hai
har baat tumhari baat hai
har lafz jo mere lab par hai
wo tumhara kaha hua hai

har lamhe mere zehen me tum ho
har khwaab me tum ho
har nazar me tum ho

har lamhe mere khiyalon me tum ho
har yad tumhari yad hai
har yadoon me tumhari yadein hai
har chehray me tumhara chehra hai
har sitare me lagta hai
tumhara kangan chamak raha hai
har khushbo tumhari
badan ki khushbo lagti hai

chand me tumhara chehra dikhta hai
Meri har adat tumhari aadat hai
mera ye jivan tumhara naam hai
Meri zindagi tumhary naam hai
Meri zindagi tumsay hai
Meri pehli aur akhri mohabbat tum ho….

Youn tau ham roz sajaate hain bazam teri sanam

Chaudvien raat ko khas ehtamam karte hain

Dil tau karta hai magar jaate nahin maikhane mein

Khyalon mein, teri aankhon se jaam bharte hain

Jala jala tamaam raat aansouon ke diye

Tumhare naam hi woh shab tamaam karte hain

Rubaru chaand ke,utthae haath aasman ki taraf

Dua-e-wassal hi har ghaam ghaam karte hain

Tumhari yaad mein ham haalat-e-sakta mein

Jhank kar dil mein, tujh se kalaam karte hain

Shiddat mein teri yaad ki, apni rooh ko

Sarkashi ghode ki tarah, be laghaam karte hain

Be qarari ke samundar mein gharak ho kar

Hijar mein rehte, pal bhar na araam karte hain(mkm)

======================================

khalid.m@hotmail.co.uk

=====================================

ye zaruuri nahi har shakhs masiihaa hi ho
pyaar ke zakhm amaanat hain dikhaayaa na karo

Tum mujhe bhool bhi jaao to ye haq hai tumko
Meri baat aur hai maine to mohabbat ki hai

Hamse Kare Woh Pyar
Izhaar Kisi Aur Se Kare
Khuda Kare Jis Se Kare Woh Izhaar
Woh Bhi Pyar Kise Aur Se Kare

Ek Musafir Ne Raat Pichlay Pahar
Apne Mehboob Ke Na Aane Par
Kar Diya Taj Mahal Ke Tukre
Aab-E-Jamuna Main Phaik Kar Pathar

Aansoon ko aankhon ki dehleez par laya na karo
Apne dil ki haalat kisi ko bataaya na karo
Log muth-thi bhar namak liye ghooma karte hain
Apne Zakham kisi ko dikhaaya na karo

Mohbbat karna koi zulm nahi,
Agar ki jaye usool se,
Khuda ko bhi muhabbat thi,
Apne rasoul se

Chaand raaat ko sabhi dekhain, hilaal-e-eid ko
Ik hamara hi naseeba hadiyan turva gaay
Hum the chaand ke nazaare main khoye hue
Bus achanak chand ka abba wahan pe aa gaya

Dekha Jidhar Yeh Payaa, Aalam Hijaab Ka
Jaali Ko Naam De Diya, Humne Niqaaab Ka
Dukh Ki Tabash Hai, Dharkanain Tanhaiyan Bhi Hain
Yeh Zindagi Hai Jaise, Din Ho Hisaab Ka

Woh To Khushbu Hai, Hawaon Main Bikhar Jayega
Masla Phool Ka Hai, Phool Kidhar Jayega
Hum To Samjhe The Ke ik Zakham Hai Bhar Jayega
Kya Khabar Thi Ke Rug-E-Jaan Main Utar Jayega

Jab Se Hua Hai Woh Khwab Ki Tarah
Zindagi Guzar Rahi Hai Azaab Ki Tarah
Khushbu Ke Kalam Se Shayad Likha Tha Usne Khut
Har Lafz Mahak Raha Hai Gulab Ki Tarah

Maana ke aapke nazaron main kuch nahin hain hum
Magar unse jakar puchiye jin-hain hasil nahi hain hum

Aandhi aati hai, tufaaan chale jaate hain
Yaade rah jaati hai, insaan chale jaate hain

Mast Nazron se dekh lenaa tha
Agar tamanna thi aazmane ki
Hum to behust youn hi ho jaate
Kya zaroorat thi muskurane ki

Aap ghairon ki baat karte ho
Humne apnay bhi aazmain hain
Aap kaaton ki baat karte ho
Humne phoolon say bhi zakham kahayain hain

Chehrey Per Banawat Ka Gussa,
Aankhon Say Chalakta Pyar Bhi Hai,
Is Shauq-E-Ada Ko Kya Kahiye
Inkar Bhi Hai Iqraar Bhi Hai

meri tasweer main rang kisi aur ka to nahi
ghaer-len mujh ko sab aankhein main tamasha to nahi

zindagi tujh se har ek saans main samjootha karoon
shauqh jeene ka hai mujh ko, magar itna to nahi

chehra dekhon to qad-o-qaal badal jaatey hain
chup ke aainey ke peechey, koi baitha to nahi

kis ki mitti ko nachatey hain hawaoon key bhawar
koi aawara wehshat hai, bagola to nahi.

rooh ko dard mila, dard ko aankhein na milien
tujh ko mehsoos kiya hai, tujh ko dekha to nahi

meri aankhon main tere naqsh-o-qadam kaise hain
is saraye main, musafir koi tehra to nahi

sochte sochte dil doobne lagta hai
zehen ki teh main muzaffar koi darya to nahi.

Aise bhi mohabbat ki saza deti hai dunia .
mar jaye tu jenay ki dua deti hai dunia.

hum kon say momen thay jo ilzam na sehtay .
pather ko bhagwan bana deti hai dunia .

ye zakham mohabbat ka hai dekhnana na kisi ko .
La kar saray bazar saja deti hai dunia .

Qismat per karo naz na itna bhi faqeero .
haton ki lakeeron ko mita deti hai dunia .

marnay kay liye majboor tu karti hai ye lekin.
Jeenay kay tareeqay bhi sekha deti hai dunia .

Woh Kehti Suno Jana Mohabbat Moom Ka Gher Hai
Tapeyshee Badgumani Ki Kahein Pighla Na Dey Is Ko
Mein Kehta Houn Key Jis Dil Mein Zara Bhi Badgumani Ho
Wahan Kuch Aur Ho Too Ho Mohabbat Ho Nahi Sakti

Woh Kehti Hai Sada Aysey Hi Kiya Tum Mujh Ko Caho Gay
Key Mein Is Mein Kami Bilkul Gawara Ker Nahi Sakti
Mein Kehta Houn Mohabbat Kiya Hai Yeh Tum Ney Sikhaya Hai
Mujhey Tumsey Mohabbat Key Siwa Kuch Bhi Nahi Ata

Woh Kehti Hai Judaai Sey Bohot Derta Hai Mera Dil
Keh Khud Ko Tum Sey Hat Ker Dekhna Mumkin Nahi Hai Ab
Mein Kehta Houn Yehi Khadsey Bohot Mujh Ko Satatey Hain
Mager Sach Hai Mohabbat Mein Jodaai Saath Calti Hai

Woh Kehti Hai Batao Kiya Meray Bin Ji Sako Gay Tum
Meri Batein Meri Yadein Meri Ankhein Bhula Do Gey
Mein Kehyta Houn Kabhi Is Baat Per Socha Nahi Mein Ney
Ager Ik Pal Ko Bhi Sochoun Tu Sansein Rukney Lagtein Hain

Woh Kehti Hai Tumhein Mujhsey Mohabbat Is Qader Kyun Hai
Key Mein Ik Aam Si Lerki Tumhey Kyun Khas Lagti Houn
Mein Kehta Houn Kabhi Khud Ko Meri Ankhoun Sey Tum Dekho
Meri Dewangi Kyun Hai Yeh Khud Hi Jan Jao Gi

Woh Kehti Hai Mujhey Waaraf-Tagi Sey Dekhtey Kyun Ho
Key Mein Khud Ko Bohot Hi Kimti Mehsoos Kerti Houn
Mein Kehta Houn Matay Jaan Bohot Anmool Hoti Hai
Tumhey Jab Dekhta Houn Zindagi Mehsoos Kerta Houn

Woh Kehti Hai Mujhey Ilfaz Key Jugno Nahi Miltey
Tumhey Batla Sakoun Dil Mein Meray Kitni Mohabbat Hai
Mein Kehta Houn Mohabbat Tu Nigahoun Sey Chalakti Hai
Tukhari Khamoshi Mujhsey Tumhari Baat Kerti Hai

Woh Kehti Hai Batao Na Kissey Khoney Sey Dertey Ho
Bataona Kon Hai Woh Jis Ko Yeh Mosam Bulatey Hain
Mein Kehta Houn Yeh Meri Shairi Hai Ayna Dil Ka
Zara Dekho Bao Kiya Tumhein Is Mein Nazer Aya

Woh Kehti Hai Key Suniye Ji Bohot Batein Banatey Ho
Megar Sach Hai Key Batein Bohot Shaad Rakhtein Hain
Mein Kehta Houn Yeh Sab Batein Fasana Ik Bahana Hai
Key Pal Kuch Zindagani Key Tumharey Saath Kat Jay
Phir Us Key Baad Khamoshi Ka Dilkash Raks Hota Hai
Nigahein Bolein Hain Aur Lab Khamosh Rehtey Hain

Khalid

Tujh ko bana ke jeevan sathi,jeene ka armaan hai jaanum

Ulfat teri iss duniya mein, chahat ka samaan hai jaanum

Apni jaan luta deinge, tere har aik ishare par

Tera har ik hukam hamari, chahat ka imtihan hai jaanum

Teri aankhon se peene par, ham se kisi ko shikwa hai

Maikhane ki tauheen hai iss mein, saqi ka farmaan hai jaanum

Qasam tumhari jaan-e-tamanna, jab se tum ko dekha hai

Aankhon mein sapne jaage hain, dil mein ik tufaan hai jaanum

Duniya ki in sab cheezon se, badh kar tum ko chaha hai

Tujh se bandhi hai jeevan dori, tu tau meri jaan hai jaanum(mkm)

=================================================

khalid.m@hotmail.co.uk

===================================

Chaha Tujhe to khud se Mohabbat si ho gayi
Khone ke baad mil gayi apni khabar Mujhe

Har har kadam pe saath hoon saya hoon mai tera
Ai bewafa dikha to zara bhool kar Mujhe

Duniya ko bhoolkar teri duniya me aa gaya
Le jaa raha hai kaun idhar se udhar Mujhe

Duniya ka har nazara nigahon se chheen le
Kuch dekhna nahi hai tujhe dekhkar Mujhe

Tujh say milnay kay karay dil ye bahanay kya kya
ishq ho jayay to bantay hen fasanay kya kya

Tujh ko paa lenay ki tadbeer mein dhondhon har soo
main nay dekhay hen teray khawab suhanay kya kya

Main nay aankhon say teri sari balaen lay lin
ranj uthayay hen teray wastay janay kya kya

main hi janoon hon, mujhay waqt nay kia zakhm diyay
mujh pe bitay hen muhabbat mein zamanay kya kya

Ek wohi raaz meray dil mein na thehra pal bhar
aek wohi baat lagi sab ko sunanay kya kya

Qalam Dil Mein Dubota Hoon Chund Lafzon Ko Likhta Hoon
Jo Batein Dilpe Lagti Hain Unhi Baton Ko Likhta Hoon
Mein Shayir Hoon Meri Veeraniyan Jab Hadd Se Barhti Hain
Ussi Lamhe Dhunwan Uthta Hai Aur Aahon Ko Likhta Hoon
Mein Lafzon Ko Nahi Ehsas Ko Tehreer Karta Hoon
Na Ghazlon Ko Na Nazmon Ko Faqat Jazbon Ko Likhta Hoon
Kabhi Tanha Jo Hota Hoon Takhayyul Mein Bhi Rehta Hoon
Purane Dard Ke Lamhe Nayi Sochon Ko Likhta Hoon
Kabhi Aisa Bhi Hota Hai Shab Bhar Jaagta Hoon Mein
Jo Dilse Munsalik Rehti Hain Unn Yaadon Ko Likhta Hoon..
Lahoo Dilse Nikalta Hai Kaleja Moonh Ko Aata Hai
Kisi Ko Kya Khabar Jab Bhi Kabhi Ghazlon Ko Likhta Hoon ….