Hindi Gazal

 

Khalid

Ashq reh reh kar meri aankhon se bahey jaate hain,

Yeh woh mehmaan hain jo,bin bulaye chale aate hain.

Hijar ke mausam mein dilon ka sisakana saari raat,

Shama khamosh hai magar ham tau jale jaate hain.

Baat kehni thi nermi se magar zubano ki talkhi,

Lafz kharon ki tarah dil mein chubhe jaate hain.

Meri bebasi pe rota hai,barasta aasman abhi bhi,

Yeh woh baadal hain jo aahon se buney jaate hain.

Aaj phir tere dil ne humein tarap kar pukara aise,

Bina rahon ke kadam teri janib uthey jaate hain(mkm)

=============================================

khalid.m@hotmail.co.uk

=============================================

 

Popularity: 100% [?]

Khalid

Dil ki dhadhkan hai,khyaalon mein mere rehta hai

Kaun hai woh, jo swaalon mein mere rehta hai

Jis ka dekha na khwaab us se wafa karta hoon

Dil ke aaine mein main us se mila karta hoon

Main nahin jaanta yeh kis ki talab hai mujh ko

Kis ka armaan iraadon mein mere rehta hai

Khwaab hai woh mera, taabeer dilaaon kaise

Apni hasrat ko main, taqdeer banaaon kaise

Mujh ko milta hai sakoon, us ka tasavur kar ke

Woh ishara, jo isharon mein mere rehta hai

Kis ki tareef mein likhi yeh ghazal kya janu

Kis ko kehta hoon mohabbat ka kanwal kya janu

Main tau bas aik hi umeed mein rehta hoon sadaa

Us ko dekhoon jo nazron mein meri rehta hai.(mkm)

============================================

khalid.m@hotmail.co.uk

============================================

Popularity: 60% [?]

Khalid

Kyon door ho kar bhi

Koi dil ke paas rehta hai.

Dil ke paas ho kar bhi

Kyon us ka intezaar rehta hai.

Yeh kaisa dard hai

Jo meetha sa lagta hai.

Mehfil mein hoon magar

Mujhe tanha sa lagta hai.

Kyon ham har pal

Unke khayaalon mein khoy rehte hain.

Unke hi khayaalon se

Apni duniya sajaaye rehte hain.

Kyon lagta hai

Ham unke bina adhoore hain.

Mil jaaye agar woh

Tau saare sapne pooray hain.(mkm)

==================================

khalid.m@hotmail.co.uk

==================================

 

Popularity: 23% [?]

Jin rahon pe ik umar tere sath raha hoon
Kuch roz se wo rastey sunsaan bohat hain

Mil jao kabhi laut ke phir aaun na shayad
Kamzor hoon main rah mein toofan bohat hain

Ik tum he nahi meri judai mein pareshan
Hum bhi to teri chah mein viraan bohat hain

Ik tark-e-wafa pe main usey kaise bhula doon
Mujh par abhi us shakhs ke ehsaan bohat hain

Bhar aayein na ankhein to main ik baat bataun
Ab tujh se bichar janey ke imkaan bohat hain

Popularity: 6% [?]

Aaj Ki Raat Yaadon Kay Kuch Mehmaan Aanay Waalay Hain

Aaj Udaasi Nay Phir Chera Hai Saaz
Aaj Dard Phir Kuch Sunaiga
Tanhai Nay Baandhay Hain Gunghru
Aaj Waqat Bhi Thahar Jaiga

Chand ! Apni Chandni Idhar Rakh Jaanaa
Aanay Hain Aaj Kuch Bhoolay Huay Say Chayhrey
Ashqo ! Aaj Tum Bhi Ji Bhar Kay Beh Lenaa
Behal Jaayn Aisay Hi Shayad Ahsaason Kay Sfeenain Continued

Popularity: 6% [?]